ការដឹកជញ្ជូននៅអនុផលព្រៃឈើពីស្រុកឱរ៉ាល់ ដោយឧក្រិដ្ឋជនព្រៃឈើ សូមមន្ត្រីជំនាញពាក់ព័ន្ធជួយធ្វើការចុះអធិការកិច្ច(វគ្គ១)

ខេត្តកំពង់ស្ពឺ :បើយោងតាមប្រភពច្បាស់ការបានបញ្ជាក់មកថាមានការកាប់បំផ្លាញ និងដឹកជញ្ជូនព្រៃឈើដោយរថយន្តកែច្នៃផង ដោយរថយន្តប្រភេទមួយចំនួនផ្សេងៗទៀតផង គឺឧក្រិដ្ឋជនព្រៃឈើបានដឹកឆ្លងដែនពីទីតាំងជម្រកសត្វព្រៃឈើភ្នំឱរ៉ាល់ស្ថិតនៅក្នុងភូមិសាស្ត្រឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ជញ្ជូនចូលទៅស្តុកក្នុងទីតាំងផ្ទះពលរដ្ឋមួយចំនួន ឬមានរថយន្តខ្លះឆ្ពោះចូលក្នុងទីតាំងមួយចំនួនទៀតនៅខេត្តកំពង់ស្ពឺ តែម្ដងក៏មាន។

ជាការពិតទិដ្ឋភាពរូបភាពមួយចំនួនដែលសូមបញ្ជាក់ថាគឺជាសកម្មភាពជាក់ស្ដែងដែលឈ្មួញដោយច្បាប់ចាត់ទុកថាជាឧក្រិដ្ឋជនព្រៃឈើបានធ្វើការដឹកជញ្ជូនពីចំណុចទីតាំងខាងលើនេះពិតប្រាកដដោយបង្ហាញអំពី(GPS)ដែលបានស្ដែងមករួមជាមួយទិដ្ឋភាពនៃរូបភាពមួយចំនួន ថាគឺជាការដឹកជញ្ជូននៅពេលថ្ងៃ ឬពេលរាត្រី ជាភស្ត្តតាងស្រាប់នាយប់ថ្ងៃទី ០៦ ខែកក្កដា និងថ្ងៃទី១០ ខែកក្កដា ឆ្នាំ២០២៥ ដែលបុគ្គលពាក់ព័ន្ធនៅក្នុងការរកស៊ីបទល្មើសព្រៃឈើនោះ នឹងត្រូវបានលេចឮជាបន្តបន្ទាប់ ហើយនិងក៏ត្រូវផ្ដន្ទជាទោសទៅតាមអ្វីដែលពួកគេបានប្រព្រឹត្តផងដែរ។

អង្គការសង្គមស៊ីវិល និងសាធារណៈជនទូទៅសង្ឃឹមថាក្រោមវត្តមានមន្ត្រីពាក់ព័ន្ធមាននាយខណ្ឌព្រៃឈើ មន្ត្រីសមត្ថកិច្ចដែនជំរកសត្វព្រៃ មន្ត្រីនៃមន្ទីរបរិស្ថានខេត្ត និងមន្ត្រីនៃមន្ទីរកសិកម្មរុក្ខាប្រម៉ាញ់និងនេសាទខេត្តកំពង់ស្ពឺផងដែរនោះសូមធ្វើការអនុវត្តច្បាប់ដោយមានប្រសិទ្ធភាពផងចុះ។

អង្គភាពសារព័ត៌មានរបស់យើងនឹងធ្វើការផ្សព្វផ្សាយជាបន្តបន្ទាប់នូវដំណឹងនេះផងដែរក្នុងការចូលរួមទប់ស្កាត់ជាមួយនឹងមន្ត្រីពាក់ព័ន្ធដែលអនុវត្តច្បាប់ ចៀសវាងឲ្យឈ្មួញជាឧក្រិដ្ឋជនព្រៃឈើទាំងអស់នោះតាមតែអំពើចិត្តដោយមកបំផ្លាញធនធានសម្បត្តិធម្មជាតិកម្ពុជាពិសេសព្រៃឈើ សត្វ ឬបក្សាបក្សី ដែលនៅសេសសល់មួយចំនួនដើម្បីសក្ដានុពលសង្គមជាតិកម្ពុជាផងដែរ! ហើយជុំវិញព័ត៌មានបន្ថែមទៀតយើងនឹងរង់ចាំទទួលយកពីប្រភពពាក់ព័ន្ធជាបន្តបន្ទាប់ដោយរួមគ្នាបញ្ចេញនូវរាល់ព័ត៌មានពិត លុបបំបាត់នៅរាល់ព័ត៌មានក្លែងក្លាយចេញពីប្រភពផ្សេងៗដែលមិនត្រូវគួរយកមកធ្វើការបញ្ជូនដំណឹងដល់ថ្នាក់ដឹកនាំជាតិ ហើយរាល់ការរាយការណ៍ដោយផ្ដល់ព័ត៌មានបន្ថែមជូនដល់សមត្ថកិច្ច ឬមន្ត្រីជំនាញពាក់ព័ន្ធជាបន្តបន្ទាប់ប្រសិនបើការទំនាក់ទំនងនឹងត្រូវបានផ្ដល់ជូនដោយសមស្របតាមពេលវេលាណាមួយ សូមអរគុណ!(ដោយ :ព្រះឥន្ទ្រ)